Biznes tətbiqləri və kritik iş yükləri üçün hesablama, şəbəkə və saxlama resurslarını vahid arxitekturada layihələndirir və inteqrasiya edirik. Server və rəf planlaması, SAN/NAS və obyekt saxlama sistemləri, yüksək sürətli fiber və mis bağlantılar, ehtiyatlı şəbəkə quruluşu və məlumatların qorunması performans, miqyaslanma və nasazlığa davamlılıq tələblərinə uyğun qurulur.

Elektrik yükünü və ehtiyat müddətini hesablayır, UPS, generator, ATS, paylayıcı panellər və rəf səviyyəli PDU həllərini seçib quraşdırırıq. Ehtiyatlandırma modelləri və ssenariləri xidmətin fasiləsizliyinə dair real tələblərə uyğun formalaşdırılır.

İstilik yükünə uyğun dəqiq soyutma, çiller və hava axınının idarə edilməsi həllərini qururuq. Temperatur, rütubət, isti və soyuq dəhlizlərin təşkili və enerji səmərəliliyinin davamlı monitorinq olunması üzrə kompleks yanaşma tətbiq edirik.

Erkən tüstü aşkarlama, qaz əsaslı söndürmə, girişə nəzarət, videomüşahidə və hadisə bildiriş sistemləri data mərkəzinin vahid təhlükəsizlik arxitekturasına inteqrasiya edilir. Kritik hadisələr zamanı infrastrukturun idarəolunan vəziyyətdə saxlanılması məqsədilə mümkün insident ssenariləri əvvəlcədən modelləşdirilir, hər bir ssenari üzrə aşkarlama, avtomatik reaksiya, eskalasiya, təxliyə, sistemlərin təhlükəsiz dayandırılması və xidmətlərin bərpası prosedurları müəyyən edilir.

Data mərkəzinin enerji, soyutma, təhlükəsizlik, şəbəkə və İT avadanlıqlarından daxil olan göstəriciləri vahid DCIM və monitorinq platformasında birləşdiririk. Real vaxt rejimində xəbərdarlıqlar, tutum və enerji analitikası, aktivlərin inventarlaşdırılması və inteqrasiya olunmuş hesabatlar nasazlıqları erkən mərhələdə aşkarlamağa, resurslardan istifadəyə nəzarəti gücləndirməyə və əməliyyat səmərəliliyini artırmağa imkan verir. Mövcud infrastrukturu xidmətlərin dayanmasını minimuma endirən mərhələli modernizasiya planı əsasında yeniləyir, yeni sistemləri vahid idarəetmə və monitorinq mühitinə inteqrasiya edirik.